手工和牛漢堡 @ Cafe Charm's

較早前趁放假，相約友人行街食飯直落，我地行街前先去Cafe Charm's食野，傾下計.

我本身鍾意食牛肉漢堡，但因為我不食生野，牛肉我要全熟，所以要好食多一點難度.

這個手工和牛漢堡賣相幾吸引.

和牛即使全熟也不覺得硬，夠腍身，估不到仲有些肉汁，不會好乾.

和牛味道調教不錯.

我自己鍾意食較粗身的薯條，入口時薯味較濃，而且較有口感.

飲品點了熱培茶鮮奶.

拉花幾靚，我相信女仔見到一定好開心.

培茶味道適中，不是太甜.

最後, 當然要食埋甜品才完美.

我地選了焦糖香蕉雪糕窩夫.

窩夫上檯已香味撲鼻.

香蕉面沾上了薄薄一層焦糖，入口時多了一份口感.

窩夫焗得軟硬適中，外層微微脆身，內裡就鬆軟，散發一陣陣蛋香.

再食埋雪糕, 一冷一熱, 雙重口感.