火鍋之夜 @ 路邊煱

近排天氣咁凍, 最啱就是打邊爐, 今次去了位於土瓜灣的路邊煱食晚飯.

入到店內, 店員安排坐下, 並奉上醬料, 醬料選擇不算好多, 以基本為主.

這裡火鍋湯底選擇也有不少, 最後我地點了花雕醉雞煲(半隻).

打邊爐之前, 我地點了一個小食, 就是八味金磚豆腐.

豆腐外層炸到金黃色, 再灑上調味粉.

入口時外層微脆, 又夠惹味, 而內裡的豆腐仍然保持得好滑, 雙重口感.

食的時候仲熱辣辣.

另外, 附有醬汁, 客人可以因應自己的喜好而選擇點不點醬.

我兩種食法也有試過, 我自己覺得不點醬料好味一點.

火鍋湯底上枱.

雞和湯底是分開上枱.

店員會在客人面前再雞放入湯底中.

湯底的配料也相當豐富, 有杞子, 淮山, 紅棗等, 相當滋補.

煮滾後, 便可以先食雞.

剛剛煮好的雞, 雞肉夠嫩滑, 入口時帶有淡淡的酒香味.

當雞食得七七八八, 便可以打邊爐.

我地點了特選黑豚肉, 胡椒豬肚丸, 即製脆響鈴和鮮蝦丸.

特選黑豚肉.

平日打邊爐多數點牛, 但今日想轉下口味, 所以點了一客黑豚肉.

上枱時已見到黑豚肉的色澤是嫩粉紅色, 非常靚和新鮮.

入口時, 黑豚肉幾爽口, 幾有口感, 而豬肉味也幾濃郁.

打邊爐我一定會點丸類, 這裡見到有較特別的胡椒豬肚丸, 平日較少食到, 所以就試下.

胡椒豬肚丸入口時多了一份胡椒的辣味, 又能暖胃, 好啱合冬天食.

另外也點了鮮蝦丸.

蝦丸肉質夠彈牙和爽口, 蝦味也相當鮮味.

一口氣食了肉和丸後, 係時候清一清喉嚨. 點了我最愛的食品之一, 就是即製脆響鈴.

響鈴是即叫即炸, 所以上枱時仲熱辣辣.

響鈴有兩個食法, 可以就咁食, 或是放入湯底中.

我自己鍾意放入湯底中, 可以吸收晒湯裡的精華, 非常鮮甜, 仲有濃濃的豆香味.