近排工作有點辛苦, 決定去食餐好一點, 鼓勵下自己. 會去了位於中環IFC的IVY食晚飯.
店內裝修設計令人感覺相當舒服.
座位的擺放也顧及不同客人的需要.
不論是家庭聚會.
三五知己歡聚,
或是情侶約會也照顧周到.
當我坐下時,
發現枱上放了蕃茄和檸檬. 店員告知, 蕃茄是俾客人餐前食用, 食時加入少許海鹽和橄欖油便可. 而檸檬是食野時有需要時用.
蕃茄非常新鮮, 入口鮮甜, 我也首次加入海鹽和橄欖油一齊食.
突然間店員遞上一個紙袋,
打開後, 內裡放着熱辣辣的麵包, 客人食不晒可以帶走. 由於我要留肚,
所以就未有食到.
首先, 奉上Crab & Lobster Salad.
這是用冰鎮上枱, 我鍾意這個設計, 令食材入口時帶點凍,
但又不會太凍.
龍蝦肉份量不少, 質感夠結實彈牙, 又鮮美.
另有青瓜絲,
蕃茄粒等配料, 再配上秘製醬汁, 非常清爽醒胃.
各方面配合剛剛好.
再點了一款配搭幾創作的菜式, 就是French Green Bean & Foie
Gras.
也是以冰鎮方式上枱.
我也是首次食來自法國的邊豆, 顏色相當翠綠.
入口爽脆,
又帶點微甜.
鵝肝粒帶點甘香, 就咁食略為肥膩一點, 但與邊豆一齊食,
起了中和作用, 入口時也有雙重口感.
主菜點了Spring Chicken Herbes De Provence.
上枱時已聞到淡淡的香味.
燒春雞份量也相當大.
雞皮帶點微脆, 入口時仲有少許的香草味, 平日不太食雞皮的我, 見到咁靚, 怎會不食呢~
而雞肉肉質幾嫩滑, 味道適中, 唔會太咸.
當然不少得我最愛的甜品. 最後選擇了梳乎里.
上枱時已被佢的SIZE嚇了一跳, 非常之巨型, 足夠兩個人食.
附有醬, 這是雲呢拿醬混入橙酒.
切開梳乎里後, 已見到內裡好creamy.
入口夠滑身,
甜度適中, 不用加醬食也可以.
愛食甜的我,
當然也有混入醬一齊食, 這樣食口感豐富多一點.
一邊慢慢品嚐美食, 一邊望着街外的夜景, 真令人賞心樂事.
沒有留言:
發佈留言