環境舒服, 愉快一晚 @ 中環 Espuma

早前相約好友到位於中環的Espuma食晚飯, 難得見面, 當然揾一間環境較舒服的餐廳.

首先, 點了小食西班牙火腿菠菜奄列.

這個奄列幾精緻, 足夠兩個人份量.

奄列幾厚身, 外層軟軟, 內裡的火腿配上菠菜, 非常夾, 再加上蛋香, 幾好味.

飲品我點了招牌水果茶.

茶內有數款水果, 初飲時略為有點澀, 再過一陣, 茶味和水果味會越來越濃, 再飲時就沒有. 若上枱時水果茶熱些會更好飲.

主菜點了黑松露醬炒鮮雜菌寬條麵和西班牙薄餅.

黑松露醬炒鮮雜菌寬條麵.

上枱時已聞到黑松露醬的香味.

相對於意大利粉, 我更愛食寬條麵, 較有口感.

麵的軟硬度適中, 幾煙靭, 麵沾上黑松露醬, 味道不俗, 個醬幾creamy, 又不會覺得太肥膩.

雜菌幾新鮮和夠硬身, 同寬條麵幾配合.

西班牙薄餅.

薄餅餅底幾香脆, 再配上沙律菜, 火腿肉和我最愛的芝士, 幾好味.

最後, 當然不少得甜品.

點了焦糖脆面香蕉窩夫配雪糕.

這裡是用Movenpick 雪糕, 可以選擇雲呢拿, 朱古力, 榛子和紅莓雪葩. 我揀了朱古力味.

上枱已覺得甜品賣相幾靚, 份量也不少, 足夠兩個人食.

窩夫附上忌廉和朱古力醬. 各人可以因應自己的喜好而加多或少.

窩夫外表幾脆, 內裡是軟軟, 若蛋味再濃一點更好.

香蕉外層甜甜地又脆脆地, 不會過甜, 香蕉又夠香.

朱古力雪糕夠濃郁, 同窩夫和香蕉一齊食, 又凍又暖, 多重口感.