悠閒午飯 @ 滋味廚房

趁放假悠閒食個午餐. 早前就去了位於上環的滋味廚房食嘢. 單單聽個名以為是食小菜, 其實是食印度嘢.

我點了個Brunch, 包括沙律, 什菜咖喱角, 主菜一款跟飯或薄餅和飲品,  價錢$80, 不算太貴.

我點了蕃茄牛油雞跟薄餅, 加$20轉了芒果特式飲品.

先奉上沙律.

蔬菜幾新鮮, 所以好脆, 配上薄荷醬料, 感覺幾清新.

芒果特式飲品不用多說, 每次去食印度嘢, 我都會點. 芒果算幾甜, 所以杯特飲也好味.

什菜咖喱角, 跟上兩個醬汁, 綠色那個是薄荷帶點辣. 另一個是芒果醬.

我就兩款也有試, 味覺一辣, 一甜, 幾特別. 咖喱角外皮幾脆, 內裡的什菜饀料味道也夠, 即使不點醬也好味.

由於我只食得微辣, 見到不辣的蕃茄牛油雞就想一試.

這個蕃茄醬同平日食帶酸不同, 有點cream, 用來點薄餅好夾.

雞肉肉質尚算滑身, 味道調教得不錯.

薄餅我就覺得外皮脆身一點會更好味.

另外, 也點了燒烤拼盤, 當中有雞, 羊, 魚和大蝦.

因為用鐵板上枱, 所以上枱時已聞到好香.

雞肉和魚的肉質幾嫩滑, 是我鍾意食的口感.

大蝦的內質夠彈牙, 可惜得一隻, 有兩隻會好一點.

這個午餐真是好豐富.