工廠大廈覓食 @ AGE Cuisine Express

雖然我在港島區返工, 卻甚少去鰂魚涌那邊食飯, 原來在工廠大廈也有食店, 早前跟友人去了AGE Cuisine Express食晚飯.

這裡是食西餐.

我地先點了一客芝士焗露筍.

露筍幾嫩口, 配上蔬菜和芝士, 感覺幾清新.

湯點了我愛的法式龍蝦濃湯.

湯夠濃郁, 而且幾滑身, 啱晒愛食濃味的我.

主菜出場.

北京烤鴨食得多, 但是薄餅的話我是首次食.

材料豐富, 除了有鴨批肉外, 仲有水牛芝士, 意大利青瓜, 蕃茄乾, 洋蒽, 大蒜和甜醬.

估唔到鴨肉和各款饀料咁夾, 加上餅底幾脆, 這個要一試.

再來德國酥脆鹹豬手伴普羅旺斯式酸菜及薄荷番茄汁.

上枱時已見到豬手切好, 進食好方便.

豬手皮幾脆, 味道適中, 不會太咸. 而豬手肉尚算腍身, 不過太硬. 配料也不要錯過, 薯仔好好味.

燒法國帶子配 AGE 自家製墨魚汁扁意粉.

這個墨魚汁和平日食的入口有點不同. 加上這是配上扁意粉, 麵質不錯, 較有口感.

帶子也算大隻, 煮的時間剛剛好, 不會過熟, 又夠鮮味.

來這裡, 也要飲番一杯熱咖啡. 咖啡幾香濃幼滑.

甜品點了椰子雪糕和原個蜜桃雪葩.

賣相好靚. 椰子雪糕椰子味夠, 雪糕也夠滑.

相對下, 原個蜜桃雪葩較清新. 各人可以因應自己的喜好而選擇.