榴槤忘返 @沛公甜品

我相信不少人也鍾意食甜品, 尤其是女士. 之前就去了銅鑼灣沛公甜品食糖水.

這裡絶對是榴槤和芒果迷必要到的地方, 佢地有多款以榴槤為主的甜品.

我當然也要一試.

我點了貓山王榴槤千層班戟.

上枱已經有陣陣榴槤味撲鼻.

這個千層班戟真是好考功夫, 薄薄一層班戟, 夾着一層厚厚的榴槤.

一入口已感覺榴槤好滑身, 又夠香, 整個口腔已經被榴槤完全所佔據, 非常好味, 停不到口, 食完整件班戟也不覺得膩, 貓山王果然名不虛傳.

下次要再其他榴槤甜品.

除此之外, 我對燉品也有興趣. 因為近排成日出街食飯, 需要食番一些燉品滋潤一下.

這裡燉品的款式也有不少, 最後我點了麥冬燉雪梨.

內裡用料豐料, 除了有雪梨和麥冬外, 仲有雪耳和蜜棗, 所以這個湯份外清甜.

雪耳夠滑, 雪梨也好好味.

飲完這個燉品, 喉嚨好滋潤, 又舒服.