銅鑼灣有太多不同種類的食店, 早幾日我就去了鉄人旨花食晚餐.
這裡有分壽司專區和鐵板燒專區. 我選擇了鐵板燒專區. 我點了鐵板一人餐.
首先, 是前菜. 一碟是蓮藕, 一碟是野菜沙律, 當中有蓮藕片, 蕃茄, 粟米心和野菜.
全部材料都好新鮮,
蓮藕夠脆, 配上沙律醬已好美味, 食完幾醒胃.
師傳會直接在你面前整每一道菜, 可以欣賞到師傳怎樣去整和佢地的功架. 這是今日鐵板燒食材.
首先是北海道帆立貝.
我自己就鍾意睇師傳整每一道菜的過程. 佢先以茄子做底, 再加上帆立貝, 最後用火燒一燒.
整的過程, 火喉控制得好好, 剛剛熟, 這時候食最好. 帆立貝好大粒, 同茄子好配合.
第二道菜是法國鵝肝.
上枱時, 賣相好靚. 鵝肝好厚好大件.
鵝肝外面微微脆脆地, 內裡就好滑, 完全唔乾身, 入口唔好快就溶化. 即使鵝肝咁大件,
但完全唔覺得好膩的感覺.
第三道菜是煎野菜配A5日本產和牛厚燒.
可以話是這個鐵板餐的重點所在.
塊和牛好靚, 脂肪分怖好平均.
師傳問我食幾多成熟, 我一向不食生野,
當然是全就熟, 佢話這樣會浪費咗咁靚的和牛.
佢話最好是五成熟, 咁咪好生, 佢話會整到不見血, 等我較易接受.
由於我不食生, 所以師傳特意在整的過程中有點不同, 外面會較為脆身一點, 我當然沒有問題.
上碟時, 配上野菜和炸蒜片.
和牛燒得好平均, 賣相好靚, 內質好稔, 對於我首次食咁生來講, 易接受和入口,
口感豐富.
另配上三款醬料點和牛, 包括香草, 海鹽和酸汁. 三款我也試過, 但我自己最鍾意原味,
不會點任何醬料已經好好味.
第四道菜是炒飯.
材料好簡單, 有蛋, 煙肉粒和蔬菜粒.
每一粒飯都好乾爽,
軟硬適中. 雖然是炒飯, 但唔會太油膩.
第五道菜是鯛魚湯.
食咗咁多較濃味的菜款, 當然要飲番一個清清地的湯. 湯夠鮮甜,
而鯛魚好滑.
最後, 當然是甜品. 當日是抹茶雪糕..
這個抹茶雪糕同我平日食的不同. 這個減少了搽茶的甘味, 多了奶的香味,
而且好滑, 杯底放了粟米脆脆, 雙重口感.
這一餐好豐富, 也見識了師傳的鐵板燒功架. 師傳會等你差不多食完一道菜, 才會整第二道菜, 客人可以慢慢食, 而且全是即整即食.
沒有留言:
發佈留言