尖沙咀也是我想去食飯的地區之一, 早前, 我就去了位於厚福街的BEL CIBO RESTAURANT食晚飯.
小食我地點了蒜香一口牛和蟹肉芝士忌廉煮牛油梨釀大菇.
上枱時, 我認不出蒜香一口牛, 因為賣相同我平日食的有點不同.
牛肉夠稔身, 口感不俗, 而且味道也不錯.
蟹肉芝士忌廉煮牛油梨釀大磨菇的賣相幾吸引, 我見到已經好想一試.
平日我唔太食牛油梨, 但混入蟹肉和芝士忌廉, 味道完全不同,
加上磨菇夠厚身, 唔會太乾身, 配合一齊食, 多重口感, 好豐富.
見到特飲幾靚, 我點了曲奇忌廉沙冰.
我最怕沙冰太多, 整淡味道, 但這個沒有這情況出現, 入口也夠滑.
我點了洋蒽湯, 朋友點了黑松露菌湯.
我飲洋蒽湯, 最鍾意湯裡一塊有芝士在面的包. 若芝士再濃一點會更好味.
湯就幾清, 洋蒽味唔算太勁, 我自己偏愛洋蒽味多一點.
主菜點了低温焗魔鬼魚扒配蒜香牛油和扒煄鴨胸忌廉手卷粉.
低温焗魔鬼魚扒配蒜香牛油, 這個我覺得幾特別, 因為唔多有機會食魔鬼魚扒.
我自己唔太鍾意食太稔身的魚, 這個魚扒肉質幾彈牙, 入口有淡淡的蒜香味, 啱我口味.
扒煄鴨胸忌廉手卷粉的賣相幾靚.
欣賞當中的手卷粉, 佢是比較長身, 咬時煙煙韌韌, 而鴨胸就味道適中.
最後甜品要了法式焦糖焗蛋.
焦糖夠脆, 蛋也夠滑, 但略為唔夠蛋味.
順帶一提, 這裡的氣氛和情調不錯, 適合情侶或三五知己傾計.
沒有留言:
發佈留言