無骨烤雞 @ Bingo & Cook

上星期相約一排無見的好友食飯, 最後選了位於銅鑼灣的Bingo & Cook.

因為我剛病好, 所以沒有選到炸雞, 我地選了無骨烤雞(原味).

年糕當然不少得, 選了忌廉芝士炒年糕.

飲品我點了藍莓奶昔.

奶昔夠濃郁, 又幼身, 非常好飲.

無骨烤雞(原味).

估唔到仲有薯仔和粟米作為配料.

雞肉相當嫩滑, 最重要係無骨, 啖啖肉, 味道調教適中.

並附有兩款醬料, 有需要可以點.

對於我來講, 單食已好味, 但點了醬, 多一份口感.

忌廉芝士炒年糕.

對於鍾意食芝士的朋友必點啱晒.

年糕上放了滿滿芝士粉.

初時怕好油膩, 但食落完全沒有這種感覺.

年糕夠煙韌, 仲有其他材料, 如魚糕, 麵等.

這裡食物質素不錯, 唯得座位太窄.