特級黑松露芝士火鍋配意式鮭魚帆立貝拼盤 @ Gochiso

上星期相約一排無見的好友食晚飯, 我地選了位於尖沙咀K11的Gochiso食嘢.

這裡的款式也有不少, 除了單點外, 也有套餐, 但我地兩個也愛食芝士, 所以被這裡的芝士火鍋所吸引住. 最後點了特級黑松露芝士火鍋配意式鮭魚帆立貝拼盤.

店員先奉上意式鮭魚帆立貝拼盤.

由於我不食生嘢, 這碟留番俾我友人食.

特級黑松露芝士火鍋上枱.

配料也幾豐富, 當中包括脆薯仔皮, 青口, 法包粒, 意粉, 雞肉, 野菜盤, 甜椒和脆皮腸.

個芝士火鍋混入黑松露, 有淡淡的味道.

咁多款配料, 我最鍾意食脆薯仔皮和脆皮腸.

另外, 點了羅勒醬鮭魚牛油果披薩.

估唔到三文魚與牛油果兩者咁夾.

牛油果起了中和作用, 入口無咁油膩, 味道調教不錯.

最後, 當然要點甜品.

點了魔法焦糖黑朱古力球.

賣相精緻.

附有焦糖醬, 客人自己淋上朱古力球上, 朱古力便會溶化, 內裡原來係雪糕.

香濃朱古力配上雪糕和焦糖醬, 多重口感, 但又唔會覺得太甜.