食物質素和服務不錯 @ 譽小館

平日與友人食飯, 多以日式或西式為主, 但偶然也會心血來潮想食下中菜, 早前便去了位於奧海城的譽小館食晚飯.

環境幾舒服, 仲可以選擇坐係戶外添.

我地選了金巢蜜桃咕嚕肉, 香粟燜滑雞煲, 瑤柱金菇燜伊麵.

金巢蜜桃咕嚕肉.

賣相相當吸引.

醬汁甜甜酸酸, 好醒胃.

咕嚕肉肉質夠稔身, 外層帶有微脆, 而且仲啖啖肉, 食得夠方便.

連盛載的碗也能食.

香粟燜滑雞煲.

以煲上枱.

好適合依加天氣食.

雞肉尚算嫩身, 粟子再整稔一點更好味.

瑤柱金菇燜伊麵.

我鍾意用麵或飯一齊食.

份量幾大碟, 足夠兩個人食.

甜品不能少.

甜品選了生磨蛋白杏仁茶.

由於即叫即整, 需要時間較長.

入口有濃濃的杏仁香味, 加上蛋白, 夠滋潤, 甜度又適中.

這裡的食物質素不錯, 價錢相宜, 而且侍應又有笑容, 服務不錯.