雙重滿足 - 咖啡焦糖芝士蛋糕

大多數女士對於甜品, 都有無法抗拒, 我也不例外. 一直也鍾意食蛋糕, 早前放工後, 係公司附近的咖啡麵包店Express Bar By Lassana見到新推出的咖啡焦糖芝士蛋糕, 當然要試下.

店員會係客人面前即時燒焦糖, 所以特別吸引.

仲用一個木盒承載着, 不論自己食或是送俾朋友也大方得體.

返到屋企, 第一時間試下個蛋糕.

蛋糕質感夠幼滑, 入口除了有淡淡的芝士味道外, 多了一份香濃咖啡味道, 對於鍾意飲咖啡的我, 這個啱晒我.

咖啡與芝士相當夾, 雙重口感.

另一方面, 甜度適中, 不會有太膩的感覺.

食完一件後, 令人想食多一件, 真係令人食不停口.