晚餐 @ 京林屋

我自己鍾意去京林屋食嘢, 相隔一些日子便會去, 早前趁上完堂後, 係銅鑼灣食嘢.

我先點了京式鰻魚飯.

鰻魚相當肥美.

我本身食得較濃味, 雖然飯已經混入了醬汁, 但我想再多汁一點, 所以叫了店員另外俾醬汁我. 即時美味提升.

另外, 我點了玉露.

店員先奉上教飲茶的程序俾我, 跟着做便可以.

入口茶味幾濃郁, 令人感覺舒服.

這個玉露最特別之處, 係飲完後, 連茶葉也可以食.

只需要加入柚子醬便可, 我也是首次食茶葉.

口感有點似食嫩口的菜葉, 入口帶有甘香, 幾特別.

又到賞櫻花季節，去吾到日本睇花，就食番一個期間限定甜品 - 櫻花抹茶卷蛋.

甜度適中, 忌廉夠滑身.

加上香濃的抹茶雪糕, 與紅豆和白玉非常夾.

這一餐非常豐富.

下午茶 @ Pho Metro

近排工作十分忙碌, 難得有半天假期, 便悠閒渡過, 休息一下, 行完一陣街後, 有點肚餓, 便去了附近的Pho Metro食個下午茶餐.

下午茶款式選擇也有不少, 最選我揀了蟹膏湯檬, 飲品就係我愛飲的越式滴漏咖啡.

蟹膏湯檬.

第一時間試下個湯底先.

個湯底味道調教適中, 唔會太咸, 多飲幾啖也不覺得口乾, 唯獨唔夠蟹膏的味道.

檬粉軟硬適中.

個肉丸裡有蟹肉, 多一點更好口感, 可惜得兩粒, 以一碗要百多蚊來講, 份量真係少咗一些.

越式滴漏咖啡.

我更鍾意這杯咖啡.

慢慢滴出咖啡, 期間咖啡味撲鼻.

滴完後, 加入適量煉奶便可以.

味道不錯.

松葉蟹肉, 蟹羔釜飯 @ 空海

鍾意食蟹的我, 早前與友人去了位於旺角的空海食飯.

這間店得一張大枱, 坐位只得八個, 最後來食飯前先預約.

最後我點了其中一款套餐.

當中包括櫻花蝦胡麻醬豆腐, 蟹肉味噌湯, 松葉蟹肉, 蟹羔釜飯.

額外加錢添加了松葉蟹腳.

再點了一款小食, 松葉蟹蒽花玉子卷.

櫻花蝦胡麻醬豆腐.

豆腐夠滑身, 加上香濃的胡麻醬, 再以櫻花蝦作為點綴, 多重口感, 作為前菜最適合不過.

蟹肉味噌湯.

對於我來講, 湯最基本要夠熱.

而湯加入了蟹肉, 多了一份鮮甜味道.

松葉蟹蒽花玉子卷.

蟹肉配蛋, 原來好夾.

蛋的時間控制尚算不錯, 入口幾滑身, 再加上蟹籽, 雙重口感.

主角松葉蟹肉, 蟹羔釜飯終於上枱.

賣相精緻.

除了蟹腳外, 飯面放滿了蟹籽, 而飯裡混入了不少蟹肉和蟹羔.

食之前全部混合一起.

入口時, 除了食到卜卜脆的蟹籽外, 仲有鮮美的蟹肉和蟹羔, 味道剛剛好, 不用添加任何調味.

最後, 飲番一杯白桃梳打, 感覺透心涼.