紅酒燴和牛勒肉配蜆殼粉 @ The Point

較早前趁放假, 相約一排不見的友人食飯, 我地選了銅鑼灣The Point食嘢.

主菜選了原隻龍蝦薄餅和紅酒燴和牛勒肉配蜆殼粉.

原隻龍蝦薄餅.

賣相相當吸引.

我絶對沖着龍蝦而點.

整隻龍蝦放係薄餅中間.

薄餅當然要趁熱食.

龍蝦肉幾爽口和彈牙.

而薄餅除了龍蝦外, 當然不少得芝士, 食的時候, 滿滿芝, 再配埋車厘茄, 多重口感.

材料雖然簡單, 味道卻不錯.

這個是薄批, 所以餅底幾脆口.

紅酒燴和牛勒肉配蜆殼粉.

較少食到蜆殼粉, 加上我鍾意食牛, 所以點了.

和牛肉質鬆軟, 略覺得紅酒味唔多夠, 份量比較細碟.

最後, 點了甜品.

幾款我也想食, 揀了Nutella Orange Pizza.

平日咸薄餅食得多, 甜薄餅我也是首次食.

帶甜的榛子醬, 配上帶點清新的橙, 可以起中和作用.

甜度也適中, 鍾意食榛子醬的朋友可以一試.