抵食巨蝦天婦羅丼 @ 大丼屋

自從友人同我去過荃灣食嘢後, 我才發現荃灣的食店越開越多, 所以間中也會去覓食, 今次去了位於百悅坊新開的大丼屋食飯.

近期真係多了唔少食丼飯的食店. 雖然多數以刺身飯為主, 但唔食生嘢的我也有一些熟食丼飯選擇, 最後我選了巨蝦天婦羅丼.

小食點了芝士蟹籽厚燒玉子和芝士年糕。

芝士蟹籽厚燒玉子.

玉子尚算滑身, 加上帶點卜卜脆的蟹籽, 無咁單調, 豐富口感.

芝士年糕.

外皮唔會太硬身, 一切開, 見到半溶芝士, 這樣剛剛好, 啱晒我的口味.

巨蝦天婦羅丼上枱.

仲配有沙律和湯.

估不到天婦羅丼份量甘大，一共有5隻蝦.

炸粉幾薄身，蝦夠新鮮彈牙，夠乾身，不會油笠笠，最重要放耐左，天婦羅仍然保持脆身，只係$88。

食這個丼飯要加入佢俾的醬汁, 這樣特別好味.

我鍾意飯面放了天婦羅炸粉碎, 這樣多了一份口感.

這個丼飯真係好大碗, 又抵食.

最後飲番一支波子汽水, 感覺好爽.