胡椒豬肚湯車仔麵 @ 榕記車仔麵

一講起九龍城, 好多人也會想起泰國菜, 依加仲有其他不同種類的食店, 早前便去了榕記, 這裡是食特色車仔麵.

愛飲湯的我，先點了姬松茸蟲草花湯.

個湯夠清甜, 湯裡有好多的菇菌.

之後點了車仔麵.

湯底有胡椒豬肚湯，姬松茸蟲草花湯和酒香藥膳雞湯選擇.

天氣寒冷, 最啱選胡椒豬肚湯, 夠暖胃.

配了鮮雞柳，蘿白和菜脯煎蛋.

飲品點了薑汁好立克.

薑汁味幾濃.

個麵上枱, 第一時間試下個湯.

入口有濃濃的胡椒味道, 非常好飲, 飲多幾啖湯已覺得好暖身和舒服.

豬肚帶少許咬口, 而雞柳幾嫩滑.

蘿白吸收了湯的精華.

煎蛋要趁熱食, 蛋裡混入了脆身的菜脯, 雙重口感.

友人點了酒香藥膳羊肉豆腐豆卜湯飯.

我試了個湯, 藥膳味道的確幾勁, 但易入口.

而豆腐吸收晒精華, 我自己覺得特別好味.