晚餐 @ 金記冰室

早前經過觀塘APM, 發現這裡也開了金記冰室, 而且食物款式和其他分店有所不同, 決定試下.

我選了晚餐. 當中包括湯, 主菜和飲品. 另外加$12可配上湯娃娃菜, 加$18可配木糠布甸或香滑奶凍.

我選了羅宋湯, 鮮蝦球忌廉藜麥炒意粉.

而飲品加錢轉特飲, 點了西班牙咖啡.

店員先奉上西班牙咖啡.

入口有幾香濃的咖啡味道, 而且仲配有雪球, 滿足我兩個願望.

羅宋湯.

材料幾豐富, 入口夠酸酸甜甜, 夠醒胃.

鮮蝦球忌廉藜麥炒意粉.

蝦唔會大隻, 但勝在肉質幾爽口彈牙.

意粉軟硬度適中, 啱我口味.

最後, 我再加了木糠布甸.

忌廉相當香濃幼滑, 木糠比例也夠適中, 食的時間一層木糠, 一層忌廉, 雙重口感, 而且甜度也剛剛好.

這一餐非常豐富, 其他小食, 留待下一次再試.