紅酒牛尾鍋 @ 喜鍋

一踏入秋冬天, 我就最鍾意去打邊爐, 今次由友人介紹去了位於旺角的喜鍋食飯.

這裡有多款火鍋湯底選擇, 令人眼花撩亂, 最後我地選了紅酒牛尾鍋做湯底.

一上枱已被個鍋吸引住.

估唔到牛尾有咁多件, 配料仲有蘿白和蕃茄.

當個鍋滾起, 店員會係客人面前加入紅酒, 令個鍋更香.

第一時間飲碗湯和食下牛尾和配料.

牛尾帶少許咬口, 尚算稔身. 而配料吸收量精華, 特別好味.

之後加入清湯, 便開始打邊鍋.

我地點了花膠，黑椒牛筋丸, 自家脆響鈴卷和唧唧墨汁魚麵.

火鍋比較熱氣, 當然要飲番竹蔗茅根清潤一下喉嚨.

黑椒牛筋丸.

入口幾濃郁的黑椒味道, 啱晒我口味.

花膠.

估唔到花膠咁大塊, 而且入口時帶點黏性, 這個真係好適合女士食, 可以補下膠原.

自家脆響鈴卷.

響鈴好新鮮, 我鍾意整軟身, 完全吸收晒湯的精華, 入口時感覺豆味濃郁,非常好味.

唧唧墨汁魚麵.

墨汁味道首次食, 自己唧, 幾好玩.

魚麵夠粗身, 又夠彈牙.

而且魚麵中混入墨魚粒, 多了一份咬口, 雙重口感.