隱蔽食店 @ Season Plus

早前趁星期日放假, 揾一間環境較好, 坐得舒服的食店, 去了位於尖沙咀山林道的Season Plus.

這間食店可以話好隱蔽, 唔係A先生帶路下, 我都唔識去.

剛巧生蠔做緊優惠, $148有一打, 幾抵食, 便點了一打試下.

由於我唔食生嘢, 所以A先生食晒一整打.

佢話生蠔幾新鮮, 轉眼間已經食晒.

唔食生嘢, 也有其他選擇.

點了我最愛的海鮮拼盤和意大利辣肉腸薄餅.

意大利辣肉腸薄餅.

薄餅係薄批, 入口時較為脆身.

而饀料較為簡單, 微辣的辣肉腸與其他配料幾夾, 食時多了一份惹味.

熱海鮮拼盤上枱.

醬料選了牛油蒜蓉, 但稍為唔夠味道, 食的時候, 唔太覺有蒜蓉味, 多一點會更好味.

選料幾豐富, 當中包括半邊龍蝦, 鮑魚仔, 翡翠螺, 蝦, 青口和小龍蝦.

我自己最愛食龍蝦, 肉質夠彈牙, 啖啖肉.

翡翠螺幾大隻, 而且用义便能輕鬆吉出來, 幾有口感.

下次有機會要試下凍的海鮮拼盤.

而配料也不要錯過, 蘿白和粟米吸收晒海鮮的精華, 所以特別入味.