胡椒海蝦雞鍋 @ 原味棧

鍾意食火鍋的我, 一年四季也會定期去打邊爐, 自從係新蒲崗返工後, 多了去土瓜灣紅磡一帶食飯, 今次便去了原味棧食飯.

店內牆上有一幅大畫.

我地選了龍穿鳳, 即係胡椒海蝦雞鍋.

點了火鍋套餐, 皆附送海鮮拼盤, 美國安格斯手切肥牛片和時令菜籃.

另外仲有任點任食配料.

胡椒海蝦雞窩上枱.

鍋裡材料豐富, 除了半隻雞外, 仲有各式各樣的海鮮和蔬菜.

海鮮拼盤.

美國安格斯手切肥牛片.

肥牛片色澤幾粉紅, 脂肪分怖平均.

時令菜籃.

當個鍋底滾起, 先試下雞件.

雞件尚算嫩滑.

蝦肉幾彈牙.

若胡椒再突出一點, 湯底會更惹味.

牛肉幾鬆軟, 唔會覺得乾和硬, 牛味幾重.

估不到龍蝦也幾大隻.

龍蝦肉夠鮮甜, 入口夠彈牙, 吸收晒湯的精華.

鮑魚幾有咬口, 蜆夠乾淨, 入口無沙粒.

其實單單食套餐的配料, 已經相當飽.

但我鍾意食丸類的我, 另外點了龍蝦丸和墨魚丸.

龍蝦丸幾好味, 而墨魚丸就一般.