龍蝦黃大利飯配蟹黃忌廉汁 @ Oggi

轉左新工作地點已經有幾個月，今晚約了舊同事食飯, 所以去了炮台山，無來一排, 這裡又有多了幾間新食店，今次我地去了試Oggi.

這裡推出晚市限定優惠，龍蝦黃大利飯配蟹黃忌廉汁，只需要$99, 非常抵食, 當然要試下.

另外餐牌的主菜類加$60便可以轉為套餐，包括沙律，餐湯，甜品和飲品.

店員先奉上餐包.

餐包外層帶點脆身, 內裡鬆軟.

再來是蜜桃沙律.

我自己鍾意食水果沙律. 蜜桃幾清甜, 再配上爽脆蔬菜, 夠醒胃, 作為前菜很不錯.

甘筍湯.

湯質感夠細滑, 入口有淡淡的甘筍味道, 好啱我的口味.

期待已久的龍蝦黃大利飯配蟹黃忌廉汁終於上枱.

賣相相當精緻.

依加做緊$99優惠, 但份量絶不欺場.

龍蝦幾大隻, 只需要用义便能輕易喜出龍蝦肉, 夠晒方便.

而且肉質夠鮮美, 又爽口彈牙.

意大利飯軟硬適中, 我鍾意個醬汁, 稀杰剛剛好.

甜品是慕絲.

這個較小, 唔夠喉.

所以我另外點了一個甜品, 叫榛子乳酪意式芝士餅.

原來是用杯上枱.

味道也算不錯.

飲品是熱咖啡.