晚餐 @ Master Kama

早前與友人在銅鑼灣行完街後, 順便食飯, 我地選了一間叫Master Kama的食店.

由於我地也是首次來食, 貪方便的我們, 便選了其中一個二人套餐, 叫Holy Crab One.

店員先奉上六小缽.

以木盒上枱, 內裡分了六小格, 幾精緻.

六小缽包括酸辣羅勒海蜆, 蟹子日式凍豆腐, 蟹肉玉子燒, 柚子醋海藻沙律, 虎蝦配芒果慕絲和海鹽枝豆.

前菜款式幾多, 當中我最鍾意食虎蝦和凍豆腐, 食完前菜幾清新和開胃.

芝士蟹肉釀蟹蓋.

我自己鍾意食蟹肉, 蟹肉幾鮮味, 又啖啖肉, 食得夠方便.

當中混入芝士, 雙重口感.

蟹肉芬奴意式烤麵包.

在麵包搽上蟹肉, 食法同蟹蓋不同.

可能麵包放耐咗, 唔夠脆身, 又變得硬咗, 這樣真是浪費咗蟹肉.

海鮮膏蟹拼盤.

賣相精緻, 材料也幾豐富, 除了有膏蟹外, 仲有蝦, 蜆, 青口等.

味道調教不錯, 膏蟹幾多膏, 入口甘香.

幾款海鮮中, 最為失望是蝦唔夠新鮮, 肉質唔彈牙.

而配料不可忽略, 吸收晒海鮮和醬汁精華, 幾好味.

甜品是抹茶布丁.

布丁夠滑身, 入口有香濃的抹茶味道, 甜度適中.

唯一是套餐不包飲品, 有點美中不足.