瑞士汁牛河 @ 老夫子餐館

早前與友人去了位於太子的老夫子餐館食飯.

這個以老夫子為主題的餐廳, 店內怖置當然以老夫子為主.

坐下後, 先點了飲品.

我選了一飛沖天, 即係熱的熱情鮮果茶.

承載鮮果茶的器皿好精緻.

杯裡放了不少水果, 可以一邊飲茶, 一邊食水果.

湯點了種瓜得瓜, 即係老夫子南瓜湯.

南瓜湯的質感好幼滑, 入口有淡淡的南瓜味道.

再配上令人懷念的餐包, 感覺特別好味.

主菜我地點了坐享其成, 即係瑞士汁牛河和世外桃源, 即係焗豬扒飯.

瑞士汁牛河.

見到這碟邪惡的牛河, 第一時間要一試.

牛肉夠稔身, 加上滿滿的瑞士汁, 特別好味.

而河粉幾滑身, 加上帶甜的瑞士汁, 令人特別想食多幾啖.

焗豬扒飯.

上枱時香味撲鼻.

飯軟硬適中, 配上蕃茄醬, 特別醒胃.

而豬扒夠鬆軟, 完全不覺得硬和乾身.