西京銀雪魚拼法國無激素春雞扒 @ Star Kitchen

較早前相約在葵芳居住的好友食晚飯, 平日也較少到這區食飯, 最後選擇了Star Kitchen.

店內有一塊黑板, 寫低了一些菜式和畫了畫.

特別鍾意佢地的DIY餐牌, 好有心思.

最後, 我點了晚餐, 當中包括湯, 沙律, 主菜, 甜品和飲品.

主菜我點了西京銀雪魚拼法國無激素春雞扒.

依加只要逢星期一至四或五六日9點後來這裡食晚飯並Like和打卡就送薯絲卷蝦一份.

店員先奉上田園沙律.

簡單的蔬菜, 配上粟米和醬汁作為點綴.

感覺幾清新.

是日餐湯是磨菇湯.

對於我來講, 湯最基本要夠熱.

湯的稀杰適中, 入口有磨菇碎混入當中, 多了一份口感.

西京銀雪魚拼法國無激素春雞扒上枱.

賣相相當精緻, 好似一幅畫, 蕃茄更切成一隻蝴蝶.

份量都多.

銀雪魚外層煎得幾香脆, 魚肉尚算嫩滑.

而春雞扒味道也調教不錯, 若雞扒多肉一點會更吸引.

配料不要錯過.

對於愛食薯仔的我, 原隻薯仔感覺會有所不同.

而且還有原個的烤蒜頭.

我自己本身不太食蒜頭, 但這個整法對於我來講易入口, 又好味.

本身甜品是芒果布甸.

但加$12可以轉為黑松露燉蛋.

黑松露味道不算強烈, 淡淡香味配上燉蛋, 帶點咸咸, 感覺與平日甜食有點不同.

最後飲番一杯熱咖啡, 為這一頓豐富晚餐畫上句號.