令人驚喜的全日早餐 @ 甜入心

沙田有各式各樣的食店, 愛食甜品的我, 早前便去了甜入心食嘢.

一踏入店內, 已被店內的裝修所吸引, 怖置精緻.

估不到這裡除了甜品外, 仲有All Day Breadfast食, 所以我也點來試下.

All Day Breadfast上枱, 非常吸引.

種類繁多, 除了有香腸, 煙肉, 茄汁豆, 蒜蓉包和蘑菇炒蛋這幾款咸點外, 仲有沙律, 生果和最驚喜的布甸, 首次食全日早餐有甜品.

幾款咸點中, 我自己特別愛炒蛋和蒜蓉包.

蛋尚算滑身, 再滑身一點更好味, 蛋與磨菇好夾.

蒜蓉包外層帶點脆身, 內裡鬆軟, 入口有淡淡的蒜蓉香味.

食了多款的咸點, 可以食生果和沙律中和一下, 感覺清新.

而布甸夠滑, 味道調教適中, 不會覺得太甜.

這個豐富的全日早餐, 只需要$68, 真是好抵食.

來甜品店怎樣也要食番一款甜品.

最後我選了熱的桃寶燕窩椰皇燉奶, 另加兩粒芝麻湯圓.

甜品上枱, 賣相不錯.

桃寶燕窩本身無味道, 與燉奶一齊食不錯, 而且有益, 多食無防.

燉蛋都幾滑身.

芝麻湯圓正常, 同平日食一樣, 無咩特別.

可惜個甜品唔夠熱, 只是暖身, 即時打了折扣.