山葵牛舌 @ 南蛮亭

早前與在銅鑼灣工作的友人食飯, 今次我地去了食日本嘢, 選了南蛮亭食飯.

前菜點了松露大蝦沙律.

份量都幾大.

蝦幾大隻, 而蝦肉夠彈牙.

當中有大量蔬菜, 蔬菜夠新鮮和爽脆, 能夠食得夠健康.

由於加入松露, 入口多了一份松露的香味.

小食點了山葵牛舌.

我本身鍾意食牛舌, 所以見到牛舌就會揀, 加上配搭山葵, 感覺幾特別.

賣相幾精緻.

牛舌是薄身, 質感幾嫩滑.

唯獨山葵味道唔夠濃, 多一點, 味覺感覺更佳.

這店主打串燒, 所以也點了兩款試下.

選了明太子雞翼和燒厚切牛舌.

明太子雞翼.

完全同我想像中有距離.

一碟只得一隻, 仲要雞翼好細, 雞翼中的明太子份量也好少.

外表完全沒有脹卜卜的感覺, 入口時明太子味道唔夠出.

以一隻賣四十多蚊的雞翼來講, 這個是不合格.

燒厚切牛舌.

這個牛舌就正常好多.

牛舌較厚身, 咬的時候較有口感, 味道也調教不錯.

經過這一餐, 串燒質素較為參差, 其他菜式反而較有水準.