上湯坑腩伊麵 @ 坤記牛腩

一直也知道九龍城多嘢食, 但對於在港島區工作的我, 相對較為遠, 但由上月開始我轉了新工作地點, 係新蒲崗返工, 九龍城對於我來講近了好多, 日後可以多去覓食, 今次去了坤記牛腩食嘢.

這裡是食牛腩為主, 有上湯或是咖喱口味.

我自己選了上湯坑腩, 除了有米粉, 河粉和麵選擇外, 可以加兩蚊轉伊麵, 我覺得幾抵便轉了.

我愛食瘦, 所以特別要求瘦一點.

上湯坑腩伊麵上枱.

坑腩大約有五至六件.

即使偏瘦, 但坑腩肉質仍然夠腍身, 唔會覺得乾身和硬.

由於是上湯底, 所以相對較淡口, 想濃味一點, 可以選擇咖喱.

伊麵是我鍾意的質感, 較為軟身.

見到有牛骨上湯, 愛飲湯的我特別要了一碗.

個牛骨上湯幾濃郁, 也夠鮮甜, 飲完完全不覺得口乾, 與牛腩是最佳拍檔.

見附近有人點魚蛋, 我也忍不住口, 點了一碗淨牛丸魚蛋.

牛丸和魚蛋就一般, 相對於牛腩, 還是牛腩較為出色.