霧之花卷 @ 樂糖

友人新居入伙, 便去了將軍澳探佢, 平日甚少來這區, 難得來到, 便去了附近的一間叫樂糖的甜品店食嘢.

店內的怖置色彩繽紛.

這裡的甜品選擇不算好多, 但勝在較為特別.

我選了霧之花卷 – 薰衣草, 香芋配香芋雪糕, 並配有一杯薰衣草茶.

店員先奉上薰衣草茶.

茶夠熱, 入口有淡淡的薰衣草香味, 令人感覺相當舒服, 好放鬆.

接着, 甜品上枱.

賣相相當精緻, 以我最鍾意的紫色為主, 特別開心.

先試下卷蛋, 這是自家製.

卷蛋夠鬆軟, 蛋香味還可以. 而餡是香芋忌廉, cream夠幼滑, 而食的時候多了一份卜卜脆的口感, 原來當中混入了海藻珠, 感覺特別.

好耐無食過香芋雪糕, 感覺特別好味.

食完一個甜品有點唔夠喉, 忍不住再點了一杯芭菲杯, 選了莓子樂園.

賣相都幾精緻.

材料幾豐富, 包括士多啤梨雪糕, 乳酪忌廉, 黑加侖子啫喱, 配上士多啤梨汁, 一層層擺放着.

芭菲最上面放了一個士多啤梨雪糕.

中間用上乳酪忌廉, 我覺得幾特別, 食的時候多一份帶酸的味道, 無咁膩, 而且混入了脆脆的米通, 多重口感.

最底層是黑加侖子啫喱.

甜度適中, 啫喱是滑身, 口感即時唔同咗. 

估不到將軍澳區也有不錯的甜品店.