冬季限定芝士火鍋 @ Sodam Chicken

友人愛食韓國野, 較早前便去了位於銅鑼灣的Sodam Chicken食晚飯.

這裡除了炸雞和焗雞外, 間中也會推出新的菜式, 今次是冬季限定的芝士火鍋, 我地當然要點來一試.

我地選了特級芝士火鍋, 材料豐富, 包括手工流心芝士年糕, 紫薯年糕, 美國豬仔骨, 黃金炸薯條, 腸仔, 車厘茄和農夫包粒.

芝士尚算幾滑身, 又不太肥膩, 若個火鍋能夠熱一點就更好味.

每個人可以自己選擇自己鍾意的食材放入鍋中.

當中我特別愛食年糕, 入口煙煙韌韌, 加上半溶芝士包着, 雙重口感.

來這裡怎可能不食炸雞或焗雞, 今次我地點了蜜糖芥末香蒽炸雞.

上枱時已經香味撲鼻.

炸雞外層夠香脆, 雞面沾滿了醬汁, 入口時有蜜糖甜味, 又有芥末的辣味, 又甜又辣, 特別惹味.

而且雞肉肉質夠嫩滑, 外脆內嫩, 味道調教適中, 非常好味.

一口氣食了炸雞和芝士火鍋, 我地點了一個沙律.

蔬菜幾爽脆, 用來中和一下, 減去油膩感覺, 最好不過的選擇.