串燒拼盤 @ 彌敦左岸

較早前去了位於尖沙咀的彌敦左岸食晚飯.

單單見到個店名, 覺得幾特別, 但唔知食甚麼.

到達後, 樓下是高枱主要供客人飲酒. 樓上是食飯為主, 這裡主要食西餐為主.

店內環境昏暗, 幾有情調.

我地先點了凱撒沙律.

沙律面放了芝士, 麵包粒和煙肉碎, 但煙肉碎太少.

蔬菜幾新算爽脆, 混入芝士和脆口的麵包粒一齊食, 多重口感.

主菜點了串燒拼盤和煙三文魚薄餅.

串燒拼盤.

賣相幾吸引, 份量也有不少, 當中包括虎蝦串, 澳洲和牛串, 西班牙黑毛豬腩串, 粟米串, 雞翼串和炸薯條.

虎蝦串.

蝦肉算幾彈牙.

西班牙黑毛豬腩串.

這個對於我來講太多肥肉, 唔太啱我口味.

澳洲和牛串.

這款和牛帶少許咬口, 牛味還可以, 配以不同顏色的椒一齊食, 減少油膩感.

雞翼串.

外皮微微脆, 雞肉幾嫩滑.

粟米串.

粟米幾甜口.

我自己偏愛粗身薯條, 薯味較出, 外層帶脆, 啱我口味.

煙三文魚薄餅.

薄餅的餅底是薄身, 入口尚算脆身, 口感軟硬適中.

材料主要是煙三文魚, 芝士, 洋蒽和橄欖等.

由於我唔食煙三文魚, 友人話味道不錯.

而我就鍾情於薄餅上的半溶芝士, 混入帶咸味的橄欖, 味道幾突出, 兩者也算夾.

一口氣食了兩款味道偏濃的主菜後, 當然要食番一杯熱茶中和一下, 我選了Peach Tea.

味道清新, 飲完令人感覺舒服.