火鍋 @ 火鍋仔

自從知道觀塘工廠大廈多食店後, 偶然也會去覓食, 今次友人帶我去打邊爐, 叫火鍋仔, 我也是首次去.

店舖不算大, 大約有二十多個座位.

這裡有不少特色火鍋湯底, 最後選了自家制魚腐浸魚湯鍋.

打邊爐當然不少得混醬, 點了醬, 食物更好味.

這是我的混醬.

店員先奉上鍋.

內裡材料除了魚腐外, 還有瓜, 菇和杞子.

魚腐幾有口感, 味道調教不錯. 唯獨魚湯味不足, 濃一點更佳.

打邊爐前先飲一碗湯.

配料選了廣島蠔, 手打黑椒鮮牛根丸, 魚角和鮮枝竹.

廣島蠔.

一碟有五隻, 每隻都好大隻.

蠔幾新鮮, 蠔味又夠重, 由於蠔夠飽滿, 食的時候特別有口感.

手打黑椒鮮牛根丸.

一咬開已感受到強烈的黑椒味, 幾辣, 夠醒胃.

而且牛根丸帶有少許的咬口, 混合黑椒, 雙重口感, 啱晒我的口味.

魚角.

這個同牛根丸口感完全不同, 魚角幾彈牙.

鮮枝竹.

枝竹是我打邊爐時常點的配料.

我自己鍾意食腍身一點, 所以我就滾耐一點時間.

入口時幾滑身, 而且完全吸收晒湯的精華, 所以特別好味.