家的感覺 @ 愛家小廚

天后一帶雖然有不少食店, 選擇也有不少, 但成日外出食飯, 總時有點掛住住家飯, 早前知道天后開了一間無味精的食店叫愛家小廚, 決定過去食個午餐.

見到餐牌上有紅酒燜牛尾飯, 第一時間點這個, 別無其他選擇.

老火湯也是不能缺少, 今次是菜乾白菜鴨腎南北杏本地鮮豬骨老火湯.

先飲個老火湯.

個湯幾清甜, 秋冬天好適合飲, 加上我成日出街食飯, 又食熱氣野. 能夠下火, 同時滋潤一下喉嚨.

紅酒燜牛尾飯.

牛尾肉質夠腍身, 一咬開就能骨肉分離, 非常好味.

調味適中, 最重要是完全無味精, 食得安心又放心.

配料有紅蘿白和西芹粒, 吸收晒牛尾的精華, 與飯混合一齊食特別好美味.

另外, 也試了幾隻韮菜水餃.

皮選薄身, 饀料簡單, 好有係屋企食的感覺, 幾鮮味, 加入麻油, 更能提升食肉.

飲了一杯自製薏米檸檬水.

淡淡的檸檬味道, 最啱食完飯飲一杯.

這間店沒有華麗的裝修, 但最重要是食物的質素. 可以食無味精，充滿住家餸的感覺真好.