炆牛肋骨餐 @ 首爾家韓國料理

平日也多與朋友在銅鑼灣食飯, 但不是友人帶路下, 原來隆堡柏寧頓酒店有一間食韓國野的店舖, 叫首爾家韓國料理.

坐下後, 店員先奉上前菜, 一共有六碟, 估不到款式有咁多, 即使不食辣嘢的我, 也有不少選擇.

我地點了牛尾湯, 炆牛肋骨餐和海鮮蒽油餅.

牛尾湯.

個湯比較淡, 所以附有鹽, 有需要時可以加入湯中.

牛尾的肉算幾腍身, 肉也有不少.

炆牛肋骨餐.

上枱時已經香味撲鼻, 並跟有一碗白飯.

這個較牛尾湯濃味得多, 牛肋骨炆得不但夠腍身, 而且相當入味, 非常好味道.

除了牛肋骨, 仲有其他配料, 如紅白蘿白, 年糕, 全部不要錯過, 因為吸收晒所有精華, 特別惹味.

而個汁混入白飯一齊食就最啱.

海鮮蒽油餅.

由於我唔食辣, 所以選了這款海鮮口味.

蒽油餅唔算太油膩, 若蒽味再多一點, 更加好味道.

餅的厚度適中, 入口時幾鬆軟, 不會太乾身.

最後, 點了熱的韓國梅子茶.

一口氣食了不少濃味的食物, 飲番一口帶酸的梅子茶, 能夠幫助消化, 又能解油膩.