打邊爐 @ 聚一醉火鍋小館

天氣開始涼涼地, 最啱就是去打邊爐. 早前與友人去了位於紅磡的聚一醉火鍋小館食飯.

以前覺得紅磡食飯好麻煩, 但原來我只需要搭一程巴士便到達附近, 再步行五分鐘左右便到.

我地簡單點了芫茜皮蛋為湯底.

打邊爐當然要混醬.

對於我來講, 點醬更能帶出食物的味道.

我地點了美國肥牛, 油炸鬼釀蝦膠, 紫菜炸響鈴和花膠.

打邊爐, 牛肉不能缺少.

肥牛色澤幾靚, 脂肪分怖幾平均, 每一塊都好大片.

我是唔食生, 所以牛肉滾的時間相對較長.

就咁睇感覺牛肉偏乾身, 但入口夠腍身, 而且不覺得乾身和硬.

花膠.

每一件也幾大.

補充膠原, 最適合女士食.

花膠幾彈口, 夠腍身, 點醬最好味.

油炸鬼釀蝦膠.

幾有創意的菜式, 所以點來試下.

滾的時候, 蝦膠那一面放在下面, 這樣油炸鬼無咁快腍晒.

蝦肉尚算彈呀, 油炸鬼就唔算好脆, 但可接受.

紫菜炸響鈴.

平日甚少食加入紫菜來食.

有兩個食法. 一是就咁食, 夠脆身, 入口多了紫菜味道.

另一個食法是滾煮食.

我自己鍾意滾來食, 吸收晒湯的精華, 特別好味.