在沙田居住的我, 與中學同學食飯也會選擇沙田, 早前便去了位於麗豪酒店的嘉年華吧食晚飯, 這是友人帶我來的, 我也是首次前來.
一踏入店內已見到一個好大的銀幕.
而且四周環境非常大, 坐位與坐位之間有點距離, 最啱傾計.
侍應先奉上小食一碟.
我地點先了小食拼盤.
當中包括芝士薯角, 蜜糖雞翼、豬肋骨、焗青口和煙三文魚沙律.
青口幾大隻, 也算嫩身, 不會過硬和乾身.
蜜糖雞翼外皮帶點香脆, 而雞肉夠嫩滑.
芝士薯角入口有淡淡的芝士味道, 薯角較薯條有口感.
豬肋骨就相對較一般, 略為有點硬.
由於我唔食生嘢, 所以無食沙律.
愛飲湯的我, 點了龍蝦濃湯.
上枱時已經香味撲鼻.
對於我來講, 湯最基本是夠熱, 這方面合格.
湯的稀杰度適中, 由於是濃湯, 所以偏向杰身一點, 這是啱我口味.
主菜我點了有骨豬鞍.
這是用鐵板上枱.
豬鞍是厚切, 這樣口感較佳.
肉質幾嫩滑, 也易切開, 唔會整得太硬和太乾身.
單食可以食到肉的味道, 想濃味一點, 可以淋上醬汁一齊食, 兩款食法我也鍾意.
飲品我點了Cinderella.
內裡有橙汁, 菠蘿汁和紅莓汁混合而成.
上枱時賣相好靚, 顏色幾繽紛 味道剛剛好.
值得一讚是這裡侍應的服務態度, 店內只有佢一個人, 但仍能保持笑容和耐性, 若多一個侍應會好一點.
沒有留言:
發佈留言