悠閒嘆法國菜 @ Warren

大坑食店林立，早前發現開了一間新店，主打法國菜的Warren，我當然第一時間去試下.

客人可以因應自己的喜愛選擇三道菜或四道菜.

三道菜，頭盤 + 湯/甜品 + 主菜，$330加一

四道菜，頭盤 + 湯 + 甜品 + 主菜，$380加一

另外也可以單點, 不過就一定是套餐較抵食.

我選了三道菜.

頭盤是香煎法國鵝肝配芒果甜酸醬，湯是法國藍青口忌廉湯，主菜選了低溫油封三文魚柳配白酒汁，飲品是熱咖啡.

先奉上香煎法國鵝肝配芒果甜酸醬.

賣相精緻.

由於我唔食生嘢, 所以特別要求鵝肝要熟. 入口時味道甘香, 即是熟, 但仍然夠鬆軟.

而配上芒果甜酸醬, 可以中和一下油膩感覺, 兩者也好夾.

法國藍青口忌廉湯.

個湯夠熱辣辣, 啱晒我的要求, 因為我覺得湯夠熱是最基本要求.

湯面放了炸大蒜絲, 我就混入湯一齊喝.

湯質感幾幼滑, 而青口味幾濃, 味道調教不俗.

主菜上枱.

低溫油封三文魚柳配白酒汁.

三文魚柳用低温油封整, 所以魚肉相當嫩滑, 有點入口即溶化的感覺, 剛剛好熟, 時間控制得不錯, 真的較少食到這裡滑身的魚柳.

配菜中的蘿白, 同樣不要錯過. 蘿白軟硬適中, 夠嫩口, 食的時候沒有渣.

最後是熱咖啡.

最特別之處是店員在客人面前沖, 直接滴落杯中.

店員話這款咖啡最好就是齋飲, 我平日飲慣要落奶和糖, 但我也有試下齋飲, 味道真的是較易接受.

試完後, 我還是要落奶和糖.

食物質素很不錯，絕對是性價比高的餐廳.