慢煮穀飼牛面脥肉 @ BV Kitchen & Bar

早前友人工作忙碌, 無時間約出來食飯, 忙碌完後, 終於可以見下面, 傾下計, 我地去了位於尖沙咀的BV Kitchen & Bar食飯.

我地先點了湯, 我選了泡沫龍蝦湯.

湯是用咖啡杯承載着, 份量唔算多, 飲幾啖便飲完.

湯非常濃郁, 入口時感受到濃濃的龍蝦香味.

湯幾滑身, 味度偏向咸一點, 啱晒愛食濃味的我.

湯裡有一隻龍蝦蝦鉗, 啖啖肉, 而且肉質夠彈牙和鮮美.

慢煮穀飼牛面脥肉.

賣相好精緻.

薯菜擺放也好有心思.

經過慢煮的牛面脥肉, 非常鬆軟和腍身. 最重要是全熟, 充滿肉汁, 又唔硬和乾, 啱晒我食.

蕃茄多汁又甜.

只食肉就無咁好, 而薯菜起中和作用.

黑松露野菌意大利飯配燒大菇.

我本身鍾意食意大利飯.

上枱時已經香味撲鼻.

飯面放了不同的菇.

大菇夠多汁, 也幾厚身, 完全不覺得乾身.

而意大利飯的軟硬度對我來講略為硬了一點.

但味道調教適中, 而且同大菇好夾.

 現場仲有人唱歌, 增加了店內的氣氛.