抵食日式放題 @ 八幡日本料理

一排無食日式放題, 早前便相約好友去了位於旺角的八幡日本料理食放題.

這裡不同時段入座, 收費也有所不同, 由$158到$218不等, 入座計兩小時任食. 客人可以因應自己的需要而選擇時段, 我覺得這樣彈性較大.

另外, 可以額外加$50做升級體驗, 可以點以下的食品, 所以我地也升級.

友人愛食刺身, 所以第一時間點了生蠔, 大蝦和帶子.

生蠔已剝了殼, 也清得朝淨, 並加入了醬汁, 直接食便可. 友人話生蠔夠肥美, 也新鮮.

接着, 友人試了大蝦和帶子. 大蝦好大隻, 肉質夠爽口, 而帶子色澤雪白, 又夠彈牙, 兩款都好味道, 佢話這個升級超值.

由於我不食刺身, 所以升級體驗中只有兩款啱我食, 我就點了椒鹽蟹仔和蒸蛋.

蒸蛋.

蒸蛋質感尚算滑身, 由於我本身鍾意食濃味食物, 所以對於我來講略為淡一點.

椒鹽蟹仔.

這個就啱晒我, 加入椒鹽夠晒惹味. 蟹仔幾脆身, 入口帶少許辣, 令人不自覺食完又食, 是佐酒的好拍檔.

除了升級體驗的食物外, 仲有其他款式選擇, 例如前菜, 刺身, 壽司和手卷, 天婦蘿, 日式料理, 串燒等.

友人點了一些刺身, 雖然無升級體驗那些咁大隻, 但同樣新鮮, 鮮甜.

我就先點了黃金焗蠔.

蠔以芝士焗, 入口多了一份芝士味道, 蠔不是好大隻, 但幾嫩滑, 不乾身.

接着, 點了數款天婦羅.

當中包括蝦, 胡麻雞柳, 雞軟骨和芝士年糕.

炸漿算幾薄身, 不會太厚粉, 也不太油膩.

我最愛芝士年糕, 外層帶少許微脆, 內裡是半溶芝士, 外脆內嫩.

蝦肉幾彈牙, 而胡麻雞柳炸得幾脆身, 肉質幾嫩滑, 入口多了一份胡麻的香味, 幾惹味.

也點了幾款串燒食, 包括鹽燒多春魚, 鹽燒牛舌和汁燒帆立貝.

鹽燒多春魚幾肥美, 時間控制剛剛好, 不會過硬.

鹽燒牛舌厚薄度適中, 帶點咬口.

相對之前兩款串燒, 汁燒帆立貝就較為遜色一點, 味道正常.

最後是甜品.

我地選了焦糖菠蘿, 炸朱古力香蕉, 芒果布甸和水玄信餅.

最驚喜是有水玄信餅, 較少放題有得食. 佢賣相精緻, 味道幾清新, 好啱食完一連串的肉類後食, 起中和作用.