手吊脆皮炸子雞 @ 尚品薈

自從地鐵服務覆蓋範圍大多, 交通方便咗, 我才多了去西環一帶食飯, 早前相約同在港島區工作的舊同事食飯, 朋友較鍾意食中菜, 所以佢帶我去位於西環的尚品薈食飯.

這裡非常大, 枱與枱之間相隔較開, 坐得好舒服.

我地點了普洱茶, 這裡是用獨立茶壺上枱, 而且有火保持茶的熱度, 我自己鍾意飲熱茶, 啱晒我的喜好.

我地點了陳皮蒸安格斯牛肉餅.

平日較少食蒸的煮法, 用上安格斯牛肉, 牛味幾濃身, 而肉質也夠鬆軟. 陳皮香味濃一點更好味.

這個牛肉餅混入白飯一齊食, 更加好味, 因為飯吸收晒牛肉餅汁的精華.

脆皮軟骨乳鴿.

食中菜, 乳鴿是我常點的款式之一.

乳鴿外皮夠脆身, 由於這裡用的乳鴿是較平日食的細隻一點, 所以肉質更嫩滑, 味道調教適中.

而乳鴿旁配料也要食, 夠可口, 口感有點似食薯片的感覺, 啱晒鍾意食熱氣嘢的我.

手吊脆皮炸子雞.

上枱時已經香味撲鼻.

炸子雞不但雞皮夠香脆, 而且仲好薄身, 入口時卜卜聲.

雞肉的肉質夠嫩滑.

最後就點了甜品, 就是芋泥燉鮮奶.

份量不大, 用咖啡杯承載着, 幾精緻.

這個夠熱辣辣, 燉鮮奶好滑身, 加上鮮奶面全是芋泥, 入口時非常香滑, 兩者好夾, 食完一碗想再添食.