一試愛上龍蝦漢堡 @ Burgeroom

我自己好鍾意食漢堡, 間中我就會去食一次. 早前得知Burgeroom終於在九龍區開設分店, 就是位於尖沙咀美麗華商場, 地點夠方便, 上星期便在做Facial前先去食嘢.

店內的面積較銅鑼灣店大, 坐得較為舒服.

而且怖置也大不同.

一直想試這裡的龍蝦漢堡, 可惜上次去時龍蝦賣晒未番得切貨, 所以無機會食, 今次終於食到, 仲額外加多一塊大啡菇.

飲品點了熱子朱古力.

這裡是自行點野食, 點完後, 店員就俾個感應器我.

只需要將這個感應器放在枱邊的指定位置, 店員稍後便會送上食品來, 這裡非常方便.

店員先奉上飲品.

朱古加味夠香濃, 入口幾細滑, 甜度也適中, 而子味道不算太突出, 整體味道調教不錯.

唯獨是唔夠熱, 熱飲的熱度應該要夠熱, 否則放多一陣已經凍咗, 味道也有所不同, 無咁好飲.

龍蝦漢堡終於上枱.

賣相相當吸引, 這是整隻龍蝦.

漢堡除了是龍蝦肉外, 還有芝士, 大啡菇, 蕃茄和生菜, 材料相當豐富.

第一時間試下龍蝦肉, 肉質夠爽口和彈牙. 而且已經起好所有肉, 啖啖肉, 食的時候特別滋味, 又夠方便, 而且龍蝦肉面放了一塊半溶芝士, 雙重口感.

大啡菇好多汁, 完全不乾身, 估不到大啡菇和龍蝦原來也好夾, 加上蕃茄和生菜, 可以起中和的作用.

在漢堡包旁邊還放了少許的生菜, 夠脆身, 也算新鮮.