太陽芝士炸雞和牛肉部隊鍋 @ Sodam Chicken

受身邊人的影響, 近排也多食了韓國嘢, 尤其是炸雞, 早前我地去了位於銅鑼灣的Sodam Chicken食晚飯.

為甚麼會來這間店, 因為有一個新菜式我地好想試, 就是太陽芝士炸雞.

坐下後, 第一時間點了這個.

太陽芝士炸雞上枱啦~

有咩特別? 因為除了炸雞外, 碟中間放了一個農夫包, 當中整空了, 用來承載着滿滿的芝士.

見到已經好吸引.

我先試下件雞, 點滿了半溶芝士.

外皮幾脆身, 炸得幾乾身, 我最怕油淋淋, 而雞肉肉質又夠嫩滑, 加上口中充滿香濃的芝士, 多重口感.

另外, 也要試下個農夫包.

個包夠香脆, 同平日食的很不同, 有點似食薯片的感覺. 所以個包記得要食埋.

我也點了一杯蘋果特飲, 我唔想太凍, 所以點了少冰.

上枱時賣相幾靚.

用一個大杯載着, 顏色是青綠色, 而且還放了一串軟糖在杯面, 好有夏天的感覺.

入口味道算清新, 甜度適中.

潮流興炸雞配啤酒, 由於我唔飲酒, 所以用這個蘋果特飲配炸雞, 也是另外一個不錯的選擇.

我地再點了牛肉部隊鍋.

由於我地不食得辣, 所以問過店員, 佢話這個牛肉鍋只有少許辣.

上枱後, 見到個部隊鍋材料相當豐富, 除了牛肉外, 仲有餃子, 午餐肉, 紫菜卷, 蔬菜, 韓式拉麵和魚片.

而在鍋面的韓式醬, 我地怕辣, 也整走去.

煮到滾起, 就可以食.

雖然整走咗醬料, 但個部隊鍋仍然夠味.

牛肉薄身, 而我是食全熟, 但仍然幾腍身, 不會太硬.

餃子外層幾薄身, 內裡的饀幾有肉汁, 味道調教不錯.

午餐肉和魚片吸收咗湯的精華, 顯得特別鮮味.

我鍾意食軟麵, 雖然彈牙度降低, 但吸收晒湯和材料精華, 我自己更愛這樣食.