輕鬆一晚 @ Quaver House

尖沙咀除了食店多, 酒吧也有不少, 我自己較少去棉登徑一帶食飯飲嘢, 原來也有不少食店和酒吧.

本身不飲酒, 但朋友興起, 便去了位於棉登徑的Quaver House輕鬆一下.

一踏入店內, 已被門口的設計所吸引住, 好似進入另一個時空.

而這裡都幾大, 出面是高身枱為主, 裡面有梳化坐, 仲有遊戲玩, 同出面感覺完全不同.

這裡除了有手工啤, Cocktails外, 也有Mocktalis和Soft Drinks選擇, 不飲酒的朋友, 又想來感受一下氣氛也可以來.

我點了一杯叫 Yello Balloon.

以椰子奶, 鮮奶和芒果糖漿而成.

上枱時是一杯白色的飲品.

入口時有淡淡的椰子香味, 幾好飲.

小食點了香辣雞翼.

上枱時見到雞翼皮灑滿了辣粉也怕好辣, 因為我本身不食得辣.

友人話不算太辣, 我便試下, 辣度可以接受.

雞翼外層帶少許脆脆地, 內裡的雞肉幾嫩滑, 味道調教也適中.

一碟小食唔多夠, 我地叫了一份Fish and Chips.

上枱時已聞到淡淡的香味.

而且份量都幾多, 足夠兩個人食.

面頭是一塊大魚柳, 下面全是薯條.

魚柳外皮幾薄身, 唔會太厚粉, 而魚肉就幾嫩滑, 又夠雪白.

對於愛食濃味的我, 味道濃一點更合我心意.

我自己本身鍾意食粗身薯條, 因為較有口感和薯味較濃. 這裡雖然是幼身薯條, 但炸得幾香脆, 口感有所不同, 又是另一番的滋味.

一邊飲嘢, 一邊食嘢, 同朋友就在這好情調的環境下過了愉快晚上.