宵夜 @ 泰燒遙

忙完一個星期, 終於來到星期五, 自然要輕鬆一下, 由於當日要上堂, 便相約友人於放學後去食宵夜, 傾下計. 友人選了諾士佛臺的泰燒遙食嘢, 食完嘢可以順便在附近飲嘢, 一舉兩得.

原來泰燒遙推出咗宵夜時段, 星期日至三, 晚上九點半入座, 星期四到六及假期前, 晚上十點入座, 便可以以$98任選串燒三串, 泰式特飲一杯, 生蝦一隻和甜品一份.

串燒的選擇也相當多, 我選了牛舌, 牛肉和菠蘿各一串, 飲品選了熱龍眼茶, 甜品選了椰青糕.

店員先奉上熱龍眼茶.

甜度適中, 當中仲有我鍾意食的龍眼肉, 幾潤喉, 好啱食串燒時飲用.

由於我不食生嘢, 生蝦俾了友人食, 佢話幾新鮮, 調味也不錯.

三串串燒上枱, 並附有不同醬汁.

以下這款沙嗲醬是點牛肉和牛舌.

牛肉肉質尚算腍身, 不會太乾身.

反而牛舌我有點失望, 燒得過了時間, 偏硬身和乾, 較難開.

菠蘿幾甜, 一口氣食了兩串肉, 食番一串生果, 即時覺得好清新.

甜品是椰青糕.

椰青飲得多, 椰青糕較少食.

賣相幾精緻.

當中混有椰青肉, 入口幾清新, 仲有淡淡的椰青味.

這個作為甜品真是不錯選擇.

這裡每晚也有一些優惠價的海鮮供客人點選.

松葉蟹黃金燒和自家制雞肉丸魚湯豆腐 @ 悅鮨

天后一帶食店林立, 的確令我產生選擇困難, 最後決定試下位於清風街的悅鮨.

入到店內, 裝修充滿和風感覺, 令人感覺舒服.

店員先奉上鱈魚棒.

入口鬆化, 又夠脆卜卜, 淡淡的鱈魚味道, 這個小食真係不錯.

再來是北海道白粟米, 果物蕃茄和自家製的醃薑漬物.

北海道白粟米是生食, 夠甜口, 又爽脆.

果物蕃茄好清甜, 同平日食的蕃茄相差好遠, 這個好食好多. 而且又多汁.

自家製的醃薑漬物. 入口帶點辣和酸, 雙重口感, 用來清一清喉嚨.

點了雞肉串和雞翼, 這是用上九州華味雞, 這是走地雞, 所以雞味相對較濃, 雞肉嫩滑帶少許咬口.

雞翼外皮帶微微脆身, 雞肉嫩滑, 不乾身.

自家制雞肉丸魚湯豆腐.

材料豐富, 有冬菇, 豆腐和雞肉丸.

個湯夠鮮甜, 入口時有淡淡的魚香味.

豆腐好滑身, 冬菇幾厚身, 口感不錯.

而雞肉丸不會太硬身和乾.

松葉蟹黃金燒.

上枱時已經香味撲鼻.

除了釀滿材料的蟹蓋外, 仲有米通, 用來加上釀蟹蓋的材料一齊食, 這樣就無咁膩.

蟹蓋內的松葉蟹肉幾鮮美, 再混入了忌廉, 兩者好夾, 不論單食或配米通也好食, 而米通好脆口, 雙重口感.

喜之次一夜干.

這是用上KINKI的魚來做, 先將魚風乾一日, 第二日才食.

可以配上醬汁一齊食.

但我自己鍾意單食, 因為這樣能夠食出魚本身的味道, 原味是最好味. 我相信這個用來佐酒是不錯選擇.

最後食番一杯荔枝味的雪糕.

雪糕幾清新, 為這一晚畫上完滿句號.

燜鍋 @ 黃記煌三汁燜鍋

早前與了一挑無見的朋友食飯, 佢地提議去黃記煌三汁燜鍋食燜鍋.

我自己就未食過燜鍋, 覺得幾特別, 當然要去試下.

坐下後, 先點了一支椰青水.

味道清新又唔太甜, 夠解喝.

接着, 就揀燜鍋, 選擇也有不少, 最後我地揀了自選燜鍋.

材料選了石斑魚柳, 帆立貝, 海蝦和墨魚仔, 而醬汁選了海鮮汁.

所有的材料以密實盒承載着, 這樣夠衛生.

店員先放下十款蔬菜, 再放其他材料, 跟住就煮啦~

大約過了十幾分鐘後, 材料基本上全熟, 搞下食物, 就可以混入海鮮醬, 直到煮番滾, 便可以食.

燜鍋煮好啦, 見到都好想食.

石斑魚柳啖啖肉, 魚肉幾嫩滑, 完全無魚腥味道. 而帆立貝算大隻, 夠彈牙.

海蝦夠爽口, 而墨魚仔完全唔乾, 夠腍身.

所有海鮮吸收晒海鮮醬, 特別惹味, 但味道適中, 不會太咸.

除了海鮮, 十款蔬菜也要食, 因為放在鍋底, 完全吸收晒所有材料精華, 非常好味.

食完燜鍋後, 就開始打邊爐.

店員加了湯於鍋裡.

我地點了美國安格斯肥牛, 珊瑚蚌, 炸響鈴和鮮生蠔.

珊瑚蚌夠爽身, 口感不錯.

美國安格斯肥牛色澤帶鮮紅, 脂肪分怖也算平均.

我本身不食生嘢, 所以牛肉要全熟, 即使時間較為耐, 但牛肉肉質尚算腍身, 又不會好乾.

鮮生蠔.

這裡的蠔雪到凍晒.

蠔也算大隻, 蠔味一般.

炸響鈴可以話是我每次打邊爐必會點的食品之一.

我自己鍾意響鈴滾得耐D, 直到腍晒, 好似海綿咁, 吸收晒湯所有精華, 特別好味.

日後打邊爐又有多一間選擇.