中環覓食記 @ Holy Crab Bar and Restaurant

早前友人轉了新工, 係中環返工, 同在港島區工作的我變得更易約食飯, 所以就去了位於中環Holy Crab Bar and Restaurant食.

一踏入店內, 已經見到好大個蟹形公仔招牌.

坐下後, 發現這裡有吧枱.

仲放有卓球枱和一個投兵兵波的遊戲, 只要在這裡食飯, 就可以免費玩, 而在星期五六晚上十點後有比賽, 這樣不錯, 可以一邊食嘢, 一邊玩.

先點了一個沙律, 叫Baby Spinach Salad.

蔬菜夠新鮮, 顏色仲好翠綠, 入口時夠爽脆.

再配上羊乳酪和甜杏仁, 多了一份口感.

飲品點了Strawberry Smoothies.

對於我來講, 我覺得比較稀, 味道相對又較淡, 我自己鍾意濃味一點.

American Chicken Lollipop.

上枱時已散發出陣陣香味.

雞外皮夠香脆, 而內裡的雞肉好嫩滑, 肉汁又豐富, 外脆內嫩.

每件炸雞也連着一條骨, 這是師傅細心處理後出來的效果, 非常方便客人進食, 這點我好欣賞.

Holy Crab Burger.

平日食漢堡包以牛肉為主, 這裡有一個是以蟹肉為饀的漢堡包, 當然要點來試下.

這個蟹肉漢堡看似簡單, 切開後見到厚厚的蟹肉餅, 非常吸引.

第一時間試下, 入口時, 蟹肉味充滿在口腔中, 而且夠多汁嫩滑, 完全不覺得乾和硬.

而麵包又夠鬆軟, 兩者非常夾.

這裡的薯條是我鍾意食的厚切薯條, 薯味特別濃, 又夠口感.

另一款主菜點了Roasted Japan Yamato Pork Chop.

上枱時己被吸引.

肉質色澤帶粉紅色, 未食已感覺嫩滑.

黑毛豬的肉較有肉味, 肉質又夠鬆軟, 只需要簡單烹調方法也好好味.

最後, 甜品時間, 點了Baked Apple Crumble Cheese Cake.

平日食金寶, 較少加入芝士這個配料, 今次這個竟然有.

入口時外層感覺脆脆, 仲多了一份芝士蛋糕的質感, 雙重口感.