食物質素不錯, 但店員服務態度有待改善 @ 公主Café

朋友曾提及, 銅鑼灣的公主Café怖置好靚, 所以早前難得放半日假, 便去了食午飯.

店內的裝修尚算不錯, 不知道是否午飯時間去, 感覺上並不如我的朋友所說那麼靚.

細心留意一下, 便發現餐牌上的菜式名稱也好特別.

店員先送上自家製的曲奇餅.

味道不錯, 幾鬆化, 又幾香.

主菜我先點了人魚之吻.

 

其實是香煎鱈魚配烤大蒜苗, 蒔蘿蛋黃汁.

賣相整得幾靚, 好似一幅畫.

魚皮帶微脆, 而魚肉幾嫩滑.

跟着, 我想點飲品, 發覺餐牌只有食物款式, 完全沒有飲品, 便問有無飲品餐牌時才俾我, 感覺有點奇怪, 不是客人坐下後便奉上所有餐牌?

我點了熱Mocha.

熱飲送上, 套碟和杯都幾靚. 卻發現無有匙羮.

而個拉花圖案幾可愛.

味道幾香濃幼滑.

最後, 就是我最期待的甜品出場.

這裡每款的甜品都好吸引, 好難選擇, 最後, 我點了薔薇甜心, 個名好靚. 不知係怎樣?

甜品上枱, 賣相吸引又精緻, 整成一朵玫瑰花.

甜品以青檸藍莓配上荔枝雪芭整成.

玫瑰花太靚, 有點不捨得食.

藍莓味幾濃, 入口酸酸甜甜, 又夠冰凍, 真係好透心涼.

而荔枝雪芭同樣帶點酸甜, 味道相對較淡口一點, 可以起中和作用.

在碟的旁邊放了兩粒我愛食的馬卡龍.

甜度適中, 入口算幾煙煙韌韌, 是我愛食的質感.

這裡的食物質素不錯, 而且菜式的擺設也有心思, 可惜這裡員工的服務有改善的空間, 工作態度較散漫, 食物質素好, 但最基本的服務也搞不好, 也會阻礙客人會否再來光顧的因素之一.