貓山皇千層班戟 @ 沛公甜品

早前放工後, 去了銅鑼灣食飯後, 想食一點甜, 所以去了食甜品. 今次就去了沛公甜品食.

坐下後, 一見到餐牌, 有多款榴槤甜品, 即時令我眼光撩亂, 不知怎樣選擇, 最後, 我選了貓山皇千層班戟.

上枱時已聞到飄來榴槤飄香.

一共有十七層的班戟, 好考師傅的技巧.

每一層班戟之間搽滿了由榴槤整成的cream, 非常細滑, 而且仲食到榴槤肉, 口中滿滿是榴槤的香味, 非常好味, 令我食不停口.

用貓山皇整成的cream, 的確和一般的榴槤有所不同, 榴槤味道特別香濃, 仲特別甘香.

鍾意食榴槤的朋友, 來這裡要試一試這個.

食完班戟, 要點番一個燉品來滋潤一下喉嚨, 這裡的燉品款式選擇也有不少, 最後, 點了蟲草花燉雪梨.

當中有整個雪梨, 蟲草花, 蜜棗, 雪耳, 材料好豐富. 不過蟲草花較少, 若果再多一點更好.

個雪梨好腍, 而且好大個, 只食個雪梨已經好飽.

個湯好清甜, 飲完喉嚨好舒服, 又夠滋潤.