原味炸雞拼醬油炸雞 @ Bingo & Cook

受到韓劇熱潮影響, 身邊多了朋友鍾意食韓國野, 連帶我也食多咗, 早前便是友人提議去位於銅鑼灣駱克駅的Bingo & Cook食晚飯.

駱克駅是在地鐵站對面, 所以地點非常方便, 而駱克駅全座也是食店, 又是較新開, 可以話是其中一個新的食嘢地標.

店內怖置以簡約為主, 幾寬闊.

最欣賞是靠在牆邊有插USB頭和叉電頭, 俾客人使用.

食韓國嘢, 當然要食炸雞, 這裡仲可以揀半半雞, 貪心的我地, 當然選半半雞, 點了原味炸雞拼醬油炸雞.

而且可以選擇無骨或是有骨, 我地怕麻煩, 想食得較方便, 選了無骨.

炸雞上枱前, 店員先奉上沙律和四款不同醬汁, 客人可以因應自己的喜好而點.

炸雞上枱, 非常香噴噴.

炸雞的份量不少, 有一隻雞.

炸雞是即炸便上枱, 所以食的時候仍然熱辣辣.

外層夠香脆, 內裡雞肉仍然嫩滑, 而且不會乾身, 非常好味.

炸雞的炸粉本身帶小許辣, 即時我地點兩款雞不辣, 入口時仍有有點辣, 對於不太食得辣的我, 也可以接受, 多了一份惹味感覺.

原味炸雞辣味較大, 所以我鍾意點沙律醬或蜜糖芥末.

而醬油炸雞本身的醬汁調教不錯, 可以就咁單食, 但由於我本身不太食得辣, 我更愛點醬, 可以起中和作用.

兩者我較愛食醬油炸雞.

另外, 也點了生蝦忌廉芝士薄餅.

薄餅餅底夠薄脆, 而薄餅面放滿了蝦, 芝士等的材料.

薄餅由客人自己切, 大細件可以按自己鍾意.

半溶的芝士特別好味道.

蝦夠爽口彈牙.

也試了韓國的原味豬腳.

份量都幾大, 已切好一片片, 有點似燻蒂, 隨豬腳附有Bingo & Cook特製醬汁, 由於也是帶辣, 所以我主要單食.

豬腳肉幾腍身, 豬肉味幾濃, 單食就略為淡了一點, 但可以接受.