飯聚 @ The Live House

上星期約了一排無見的好友食飯，選了位置方便的旺角The Live House.

這裡的環境比較昏暗，現場還有live表演, 氣氛不錯，但想傾計的話就嘈了一點.

小食我地點了雞翼拼盤, 一共有三款口味, 當中包括水牛城, 原味和柚子味.

最鍾意可以一口氣試晒幾款口味.

雞翼外皮帶少許微脆, 內裡雞肉嫩滑.

原味調味適中.

柚子味多了一份柚子清香, 入口幾清新.

而水牛城就帶少許辣, 幾醒胃.

主菜點了香草大蝦野菌意大利飯和雜錦海鮮薄餅配千島醬.

香草大蝦野菌意大利飯.

飯的軟硬算適中, 但味道太淡, 完全食不出有香草味, 這個較為失望.

而蝦的肉質尚算彈牙.

雜錦海鮮薄餅配千島醬.

這個是薄批, 所以夠香脆.

而薄餅的材料也算豐富, 當中一定不少得我最愛的芝士, 入口有淡淡的芝士香味.

這個薄餅幾好味, 調味適中, 啱我口味.