海鮮三重奏 @ Espuma

來中環食飯, Espuma是我其中一間心水餐廳.

這裡環境舒服, 想好彩坐到琉璃窗旁, 更可以挑望中環半山的景色. 我已經不是首次來這裡.

天氣寒冷, 我先點個熱飲. 平時我多數飲熱水果茶, 今次見到有冬天限定, 我就點了蜂蜜生薑柚子茶一試.

我自己覺得薑味唔太夠, 若多一點會更好味.

鍾意食海鮮的我, 主菜點了海鮮三重奏.

當中包括原隻軟瞉蟹, 三文魚和大蝦, 並配有三款醬汁俾客人. 客人可以因應自己的喜愛而選擇.

大蝦好大隻.

一早已經切成雙飛, 這樣就較易除去瞉.

蝦肉夠新鮮, 入口夠彈牙和爽口.

不用點醬汁, 原味已經夠味道.

炸原隻軟瞉蟹. 原來都幾大隻.

外層夠薄脆, 內裡又夠肉汁, 唔會太過乾身.

香煎三文魚.

三文魚面沾了一些香草, 入口時多了一份淡淡的香草味道.

魚肉尚算滑身, 始終熟的三文魚和刺身口感有所不同, 對於不食魚生的我, 這個三文魚整得不錯.

甜品我點了日式香芋麻糬窩夫伴香芋忌廉配雪糕.

這裡是選用Movenpick雪糕. 味道包括雲呢拿, 朱古力, 榛子和草莓.

最後, 我選了雲呢拿味, 每加多一客雪糕, 另加$15. 我地再加了草莓味.

麻糬窩夫同平日食的窩夫有所不同, 口感較為煙煙韌韌, 但我覺得佢略為硬咗一點, 較難切開.

再配上紅荳蓉和香芋蓉, 雙重口感.